Инфо сек консалтинг ХХК нь Монгол Улсад мэдээллийн аюулгүй байдлын зөвлөх цогц үйлчилгээг үзүүлдэг бөгөөд Цахим хөгжил, инновац, харилцаа холбооны яамнаас мэдээллийн аюулгүй байдлын аудит хийх эрх авсан байгууллага юм.
- Мэдээллийн аюулгүй байдлын удирдлагын тогтолцоо (ISMS) Нэвтрүүлэх: Бид байгууллагуудад мэдээллийн аюулгүй байдлын удирдлагын тогтолцоог ISO 27001:2022 стандартад нийцүүлэн хөгжүүлэх, нэвтрүүлэхэд тусалдаг. Энэхүү систем нь мэдээллийн нууцлал, бүрэн бүтэн байдал, хүртээмжийг хамгаалах, байгууллагын үйл ажиллагааг илүү найдвартай болгох зорилготой.
- Олон улсын хөндлөнгийн аудит гүйцэтгэх: Бид олон улсын стандартуудын дагуу мэдээллийн аюулгүй байдлын хөндлөнгийн аудит хийж, байгууллагын аюулгүй байдлын түвшнийг үнэлж, олон улсад хүлээн зөвшөөрөгдсөн гэрчилгээ олгох үйл ажиллагааг хариуцан гүйцэтгэдэг
- Мэдээллийн аюулгүй байдлын аудит: Манай компани мэдээллийн системийн аюулгүй байдлын аудит хийж, аюулгүй байдлын зөрчлүүдийг илрүүлэн, түүнд тохирсон арга хэмжээ авах зөвлөмжийг санал болгодог. Энэ нь мэдээллийн хяналт, удирдлагын үр нөлөөг сайжруулахад чиглэгддэг.
- Эрсдэлийн удирдлагын арга барил төлөвшүүлэх: Бид байгууллагын мэдээллийн болон кибер аюулгүй байдалд нөлөөлж болзошгүй эрсдэлүүдийг тодорхойлон, эрсдэлээс сэргийлэх арга хэмжээг боловсруулахад чиглэсэн эрсдэлийн удирдлагын шийдлүүдийг нэвтрүүлдэг.
- Кибер аюулгүй байдлын эрсдэлийн үнэлгээ: Кибер орчин дахь аюул заналаас урьдчилан сэргийлэх, мэдээллийн хамгаалалтыг сайжруулахын тулд бид кибер аюулгүй байдлын эрсдэлийн үнэлгээ хийж, эрсдэлээс сэргийлэх зөвлөмж өгдөг.
Манай үйлчилгээ нь харилцагч байгууллагуудын мэдээллийн аюулгүй байдлыг тасралтгүй сайжруулж, олон улсын стандартад нийцсэн тогтвортой, найдвартай системийг бий болгоход чиглэгдсэн.
Манай уриа: Аюулгүй мэдээлэл, найдвартай ирээдүй
Манай эрхэм зорилго
Бидний эрхэм зорилго бол Монгол Улсын байгууллагуудыг дэлхийн түвшинд хүргэх, тэдний мэдээллийн аюулгүй байдлыг баталгаажуулах, олон улсад хүлээн зөвшөөрөгдсөн стандарт, сертификаттай болгож, бизнесийн үйл ажиллагааг нь аюулгүй, найдвартай болгоход оршино.
Бидний түүх
Инфо Сек Консалтинг ХХК нь Монголын зах зээлд мэдээллийн аюулгүй байдлын талаар мэргэжлийн зөвлөгөө, практик шийдэл санал болгож эхэлсэн. Манай компани нь банк, харилцаа холбоо, төрийн болон хувийн салбарын олон байгууллагатай хамтран ажиллаж, мэдээллийн аюулгүй байдлын удирдлагын систем (МАБМТ)-ийг амжилттай нэвтрүүлж ирсэн.
Үйл ажиллагааны цар хүрээ
Бид монголын төдийгүй олон улсын зах зээлд өрсөлдөхүйц мэдээллийн аюулгүй байдлын шийдлүүдийг санал болгодог. Манай компани дараах салбаруудад мэдээллийн аюулгүй байдлын цогц үйлчилгээг үзүүлдэг:
- Банк, санхүүгийн салбар
- Төрийн байгууллагууд
- Харилцаа холбоо, мэдээллийн технологи
- Эрүүл мэндийн салбар
- Үйлдвэрлэл болон бусад салбарууд
Манай үнэт зүйлс
Хамтын ажиллагаа: Бид захиалагчтайгаа нягт хамтран ажиллаж, тэдний хэрэгцээ, зорилтод нийцсэн шийдлүүдийг санал болгодог.
Мэргэжлийн ур чадвар: Бид мэдээллийн аюулгүй байдлын чиглэлээр олон жилийн туршлагатай, салбарын тэргүүлэх мэргэжилтнүүдээс бүрдсэн багтай.
Чанар ба итгэлцэл: Бидний үйлчилгээ үр дүнтэй, найдвартай, захиалагчдын итгэлийг хүлээсэн.
Тасралтгүй сайжруулалт: Бид өөрсдийн мэдлэг, ур чадварыг тасралтгүй сайжруулж, хамгийн сүүлийн үеийн аргачлал, технологийг нэвтрүүлдэг.